.

Raconte de las inondacions del 15 de setembre 1733 a Grenòble

Lo CIRDÒC ven de crompar un volum excepcional de las òbras del poèta Blanc dit La Goutte intitulat : Grenoblo malhérou dins una edicion illustrada del sègle 19.

 IMG_7185 - Copie

Blanc dit La Goutte es un poèta, originari de Grenòble de la premièri mitat del sègle 18, autor de nombrosas pèces en vèrses dont la mai celèbre Grenoblo malhérou es lo raconte de las inondacions del 15 de setembre 1733 a Grenòble. Lo tèxt serà publicat, mens d’un mes aprèp las eveniments, per l’imprimeire Andriu Faure que balharà una novèla edicion d’aqueste tèxt del vivent de l’autor.

Al sègle seguent aqueste tèxt coneisserà pròche d’un desenat d’edicions dont la mai sonhada es illustrada per lo dessenhaire Diodore Rahoult e lo gravaire Estiene Dardelet. Aquesta edicion pareis sòus forme de fulheton a comptar de 1860 avant d’èstre publicada amb un prefaci de George Sand en 1864.

DSC00932

En 1874, los mèmes editors Rahoult e Dardelet, publican jos lo mème titre Poésies en patois du Dauphiné, las autras tèxts de La Goutte : Copie de la lettre = Coupi de la lettra écrita per Blanc dit la Goutta a un de sou-z-amis, u sujet de l’inondation arriva a Garnoblo la veille de S. Thomas 20 décembro 1740 e Jacquety de le Comare amb un prefaci e un glossari per Michal-Ladichère.

Son aqueles dos títols que son aicí religats en un sol volum.

DSC00931

L’originalitat de l’òbra de La Goutte es sa lenga, lo dialècte daufinenc que se situa precisament a la limita de l’aire linguistic de l’occitan et del francoprouvençau.

Las òbras completes de Blanc la Goutte foguèron editadas a Grenòble per lo Centre alpin e rodanenc d’etnologia en 2002, presentadas e reviradas par Gunhild Hoyer et Gaston Tuaillon (Le Monde alpin et rhodanien, 2002/4).

 


Share on Google+

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>