.

L’òbra perduda de Benezet Vidal retrobada

Benezet_Vidal_coopLa còla del CIRDÒC ven de retrobar un manuscrit considerat fins ara coma perdut : lo roman Jan Combralha de l’autor auvernhat Benezet Vidal, majoral del Felibrige, laureat del concors de l’Académia dels Jòcs Florals e promotor principal del movement de renaissença occitana en Baissa-Auvernha pendent la primièra mitat del sègle XX. Aquel document bilingüe de 205 paginas constituís un testimoniatge rare de l’escritura romanesca occitana d’abansguèrra mai que mai produseira d’òbras poeticas.

Sovent citat dins las diferentas bibliografias de l’autor, Jan Combralha es, çò sembla, jamai estat publicat, çò qu’a menat la critica a considerar lo tèxte coma perdut après la mòrt de son autor. Ça que la, lo trabalh d’inventari dels archius del Collègi d’Occitània dintrats en 2013 dins las colleccions del CIRDÒC a permés de retrobar aquel manuscrit donat per la familha de l’escriveire al canonge Josèp Salvat un desenat d’ans aprèp sa mòrt.
La numerizacion del document deuriá èsser disponibla sus Occitania.eu dins l’annada 2017.

Per ne saber mai sus Benezet Vidal

 


Share on Google+

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>