.

Classement de la correspondéncia de Robert Lafont : primièr bilanç

Lafont_cooperativaLo CIRDÒC a obrat pendent l’estiu de 2016 a l’inventari de la correspondéncia del fons Robert Lafont. Aquel important trabalh es estat realizat mercés a una subvencion exceptionala balhada per l’Agence Bibliographique de l’Enseignement Supérieur (ABES) qu’a permés lo recrutament de Perrine Alsina, diplomada en Occitan de l’Universitat Montpelhièr III Paul-Valéry e estudianta en torisme cultural.

Aquel trabalh s’es debanat entre lo 4 julhet e lo 31 d’agost de 2016 e a mobilizat lo temps complet de doas personas pendent una granda partida de l’estiu. Es doncas 10.398 letras que son estadas triadas e classadas per 944 correspondents identificats. Es tanben gaireben 700 tèxtes literaris, scientifics o militants, sovent inedits, que son estats classats e quasi autant d’extraches de premsa relatius a l’activitat occitanista de Robèrt Lafont e la de sos correspondents.

La correspondéncia de Robèrt Lafont es doncas a priòri entièrament tractada fins a las annadas 1962-1963, siá pròche d’un terç de sa volumetria totala.

 

L’inventari en linha d’aquel trabalh que serà regularament mes a jorn dins las setmanas que venon es accessible a l’adreiça seguenta :

http://www.calames.abes.fr/pub/#details?id=Calames-20121010101029764467

 

Podètz tanben efectuar de recèrcas especificas dins aquel inventari a l’adreiça seguenta : http://www.calames.abes.fr/pub/


Share on Google+

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>